పోతురెడ్డిపల్లిలో ప్రీ-ప్రైమరీ పాఠశాల ప్రారంభం: విద్యార్థులకు నాణ్యమై…

Q: ముఖ్య అంశం 4

ప్రతి పాఠశాలలో ఒక ఇన్స్ట్రక్టర్, ఒక ఆయాను నియమించి చిన్నారులకు ఆటపాటల ద్వారా బోధన అందిస్తున్నట్లు తెలిపారు.

సంక్షిప్త సారాంశం

పినపాక మండలంలోని పోతురెడ్డిపల్లి పాఠశాలలో నూతనంగా ఏర్పాటు చేసిన పూర్వ ప్రాథమిక (ప్రీ-ప్రైమరీ) పాఠశాలను ఏడూళ్ల బయ్యారం సర్పంచ్ వాగబోయిన చందర్రావు బుధవారం ప్రారంభించారు. చిన్నారులకు నాణ్యమైన ప్రాథమిక విద్య అందించడమే లక్ష్యంగా ఈ పాఠశాలను ఏర్పాటు చేశారు.

ముఖ్య విషయాలు

చిన్నారులకు నాణ్యమైన ప్రాథమిక విద్య అందించడమే లక్ష్యంగా ఈ పాఠశాలను ఏర్పాటు చేశారు.

చిన్నారులకు నాణ్యమైన ప్రాథమిక విద్య అందించాలనే లక్ష్యంతో ప్రభుత్వం చేపడుతున్న కార్యక్రమాల్లో భాగంగా ఈ పాఠశాల ఏర్పాటు చేయడం జరిగిందని అధికారులు తెలిపారు.

తల్లిదండ్రులు ఈ అవకాశాన్ని సద్వినియోగం చేసుకుని చిన్నారులను పూర్వ ప్రాథమిక విద్యలో చేర్పించాలని సూచించారు.

ప్రతి పాఠశాలలో ఒక ఇన్‌స్ట్రక్టర్‌, ఒక ఆయాను నియమించి చిన్నారులకు ఆటపాటల ద్వారా బోధన అందిస్తున్నట్లు తెలిపారు.

పినపాక, జూన్ 24

పినపాక మండలంలోని ఎంపీయూపీఎస్ పోతురెడ్డిపల్లి పాఠశాలలో నూతనంగా ఏర్పాటు చేసిన పూర్వ ప్రాథమిక (ప్రీ-ప్రైమరీ) పాఠశాలను ఏడూళ్ల బయ్యారం సర్పంచ్ వాగబోయిన చందర్రావు బుధవారం రిబ్బన్ కట్ చేసి ప్రారంభించారు. చిన్నారులకు నాణ్యమైన ప్రాథమిక విద్య అందించాలనే లక్ష్యంతో ప్రభుత్వం చేపడుతున్న కార్యక్రమాల్లో భాగంగా ఈ పాఠశాల ఏర్పాటు చేయడం జరిగిందని అధికారులు తెలిపారు.

ఈ కార్యక్రమానికి ముఖ్య అతిథిగా హాజరైన మండల విద్యాశాఖ అధికారి కొమరం నాగయ్య మాట్లాడుతూ, మండలంలో ఇప్పటికే ఉప్పాక, గోవిందపురం, సింగిరెడ్డిపల్లి, పాండురంగాపురం గ్రామాల్లో పూర్వ ప్రాథమిక పాఠశాలలు విజయవంతంగా కొనసాగుతున్నాయని, ప్రస్తుతం పోతురెడ్డిపల్లిలో ఐదవ పాఠశాలను ప్రారంభించడం ఆనందదాయకమన్నారు. తల్లిదండ్రులు ఈ అవకాశాన్ని సద్వినియోగం చేసుకుని చిన్నారులను పూర్వ ప్రాథమిక విద్యలో చేర్పించాలని సూచించారు.

ప్రతి పాఠశాలలో ఒక ఇన్‌స్ట్రక్టర్‌, ఒక ఆయాను నియమించి చిన్నారులకు ఆటపాటల ద్వారా బోధన అందిస్తున్నట్లు తెలిపారు. ఇందుకోసం ప్రత్యేక శిక్షణ కూడా ఉపాధ్యాయ సిబ్బందికి అందించామని చెప్పారు. విద్యార్థుల కోసం ఆట వస్తువులు, పాఠ్యపుస్తకాలు, విద్యా సామగ్రిని ప్రభుత్వం అందించిందన్నారు.

అదేవిధంగా చిన్నారులకు మధ్యాహ్న భోజనంతో పాటు రెండు జతల దుస్తులను ప్రభుత్వం ఉచితంగా అందజేస్తోందని వివరించారు. పూర్వ ప్రాథమిక స్థాయిలోనే పిల్లల్లో అభ్యాస నైపుణ్యాలను పెంపొందించేందుకు ప్రభుత్వం ప్రత్యేక చర్యలు తీసుకుంటోందని పేర్కొన్నారు.

ఈ కార్యక్రమంలో పాఠశాల ప్రధానోపాధ్యాయులు భాస్కర్, ఉపసర్పంచ్ గంగిరెడ్డి సందీప్, ఏఏపీసీ చైర్‌పర్సన్ సలీమా, గంగిరెడ్డి వెంకటరెడ్డి, సీఆర్పీ సాంబశివరావు, ఇన్‌స్ట్రక్టర్, ఆయా, ఐఈఆర్పీ అంబిక, గ్రామస్తులు, విద్యార్థుల తల్లిదండ్రులు తదితరులు పాల్గొన్నారు. కార్యక్రమం ఉత్సాహభరిత వాతావరణంలో జరిగింది.